ჩვენს შესახებ

მისია

კლუბის მიზნები

2.1. ზრუნვა მოსწავლე-ახალგაზრდობის განვითარების, განათლების და საზოგადოებაში ღირსეული ადგილის დამკვიდრებაში.
2.2 ახალგაზრდების პრაქტიკული გადამზადების სისტემის შექმნის ხელშეწყობა და მათი წახალისება წარმატებული კარიერის გაკეთებისათვის.
2.3. ახალგაზრდების გააქტიურებასა და მათ სოციალურ-ეკონომიკურ პროცესებში ჩართვის ხელშეწყობა, მათი ანალიტიკური და კვლევითი უნარების ჩამოყალიბება.
2.4. სამოქალაქო განათლება.
2.5. მოსწავლე-ახალგაზრდების უფლებებისა და ინტერესების დაცვა.
2.6. ახალგაზრდების ჩართულობა და საკუთარი სტრატეგიის შემუშავება კონფლიქტების დარეგულირების საკითხში.
2.7. კრიტიკულად და ეთიკურად მოაზროვნე თაობის აღზრდის ხელსეწყობის მხარდაჭერა.
2.8.ახალგაზრდების ინტელექტუალური პოტენციალისა და შემეცნების ზრდა საერთაშორისო გამოცდილების პრაქტიკული მაგალითებისა და ხედვის საფუძველზე.

აღწერა

ზოგადი დებულებანი

1.1 ახალგაზრდა ლიდერთა კლუბი წარმოადგენს მოსწავლე-ახალგაზრდებისაგან დაკომპლექტებულ ჯგუფს, რომელიც თავის საქმიანობას წარმართავს საქართველოს კონსტიტუციის, მოქმედი კანონმდებლობისა და ამ წესდების შესაბამისად.
1.2 სამართლებრივი ფორმაა კლუბი.
1.3 კლუბის სახელწოდებაა: Pახალგაზრდა ლიდერთა კლუბი

1.4 კლუბი თავისი მიზნებიდან გამომდინარე მოქმედებს საქართველოს ტერიტორიაზე.
1.5 კლუბს აქვს საკუთარი ემბლემა და კლუბის წევრობის დამადასტურებელი მოწმობა.
1.6 კლუბის ადგილსამყოფელია ქუთაისი, აკ. წერეთლის 52 (დაარსდა პედაგოგთა კავშირი “განათლება და სამყაროს ბაზაზე)

მიზნების მისაღწევად კლუბის საქმიანობის ფორმებია:

3.1 ახალგაზრდებში ლიდერობისა და ანალიტიკური აზროვნების უნარ-ჩვევების ჩამოყალიბება.
3.2. ქვეყნის დემოკრატიული განვითარების პროცესში აქტიური მონაწილეობისათვის ახალგაზრდობისა და განათლების მიმართულებით განხორციელებული პროგრამების მეშვეობით მოზარდებში ანალიტიკური, კვლევითი და თვითგამოხატვის უნარების განვითარება, 
3.3. ეთნიკური ურთიერთგაგების გაღრმავების ხელშეწყობა და მოზარდთა ჩართულობის უზრუნველყოფა საზოგადოებაში არსებული პრობლემების გადაჭრაში.
3.4. საგანმანათლებლო მიმართულება: ინფორმირებულობა და ახაგაზდების გააქტიურება საზოგადოებრივ ცხოვრებაში, მათი უნარ–ჩვევების განვითრება და ამაღლება - ტრენინგების, კონსულტაციების, დისკუსიების მოწყობით რიგ აქტუალურ საკითხებზე: კონფლიქტის მართვა, ეფექტური კომუნიკაცია, ადამიანის უფლებები და მათი დაცვის მექანიზმები, ლიდერობა, ტოლერანტობა, აქციების დაგეგმვა - ჩატარება და მრავალი სხვა.
3.5. სპორტული მიმართულება - სხვადასხვა სახის სპორტული აქტივობების დაგეგმვა, ტურნირებისა და შეჯიბრებების ორგანიზება. 
3.6. შემოქმედებითი მიმართულება - სხვადასხვა კულტურული ღონისძიებების, შემოქმედებითი საღამოების, გამოფენების, ხატვისა და ლიტერატურული კონკურსების დაგეგმვა და ორგანიზება.
3.7. ტურისტული მიმართულება - ეკო-ტურების, კულტურული ტურების ორგანიზება.
3.8. საგრანტო მიმართულება - კლუბის წვრებს ექნებათ შესაძლებლობა, მოტივაცია და მხარდაჭერა გაიზიარონ და მონაწილეობა მიიღონ საგრანტო და სხვადასხვა ახალგაზრდულ პროექტებში. 
3.9. კლუბის წევრები უშუალო მონაწილენი იქნებიან ადგილობრივი და საერთაშორისო პროცესებში თუ დიალოგებში.